Të nderuar kolegë,

Në kuadër të 30 vjetorit të themelimit të Departamentit të Inxhinierisë së Mjedisit dhe vijimit të aktiviteteve shkencore të organizuara nga DIM, njoftojmë nismën tonë për organizimin e konferencës së dytë kombëtare APLIKIMI I TEKNOLOGJIVE TE PASTRA PËR NJË MJEDIS TË QËNDRUESHËM (ATPMQ 2).

Konferenca do të mbahet në Tiranë, në datën 3 Prill 2025 në ambjentet e Fakultetit të Inxhinierisë së Ndërtimit.

Në konferencën shkencore ftohen të marrin pjesë me referim, për të prezantuar punimet e tyre, profesorë, kërkues shkencorë, ekspertë dhe studentë që duan të ndajnë përvojën e tyre shkencore në fushën e zhvillimit të qendrueshëm. Konferenca do të organizohet me synimin për të identifikuar problematikat mjedisore dhe urbane, për të rritur ndërgjegjësimin mbi çështjet kritike që lidhen me mjedisin në nivel kombëtar dhe rajonal, si dhe për të promovuar aplikimin e teknologjive të pastra dhe praktikave inovative që kontribuojnë në zhvillimin e qëndrueshëm.

• Aplikimi i metodave inovative në zgjidhjen e problematikave në fushën e Inxhinierisë së Mjedisit
• Menaxhimi i Burimeve Natyrore,Trajtimit të Ujrave dhe Promovimi i Eficiencës së Energjisë
• Cilësia dhe Vlerësimi i Rriskut në Mjedis dhe Shëndet
• Promovimi i Praktikave të Zhvillimit të Qendrueshëm Mjedisor dhe Urban
• Ndryshimet Klimatike, adaptimi ndaj tyre dhe zbutja e ndikimit të tyre

Qëllimi i konferencës është të bashkojë kërkues nga fusha të ndryshme të shkencës në një forum kombëtar për të diskutuar përparimet më të fundit teknologjike dhe praktikat inovative, me fokus zhvillimin e qëndrueshmëm urban. Konferenca synon të ofrojë një platformë për ndarjen e njohurive dhe përvojave që kontribuojnë në zbatimin e teknologjive të pastra, zhvillimin e qyteteve të gjelbra dhe përmirësimin e cilësisë së jetës përmes qasjeve të integruara. Ju ftojmë përzemërsisht të bëheni pjesë e kësaj konference dhe të paraqisni punimet tuaja shkencore.