Të nderuar kolegë,

Në vijim të aktiviteteve shkencore të organizuara nga DIM, njoftojmë nismën tonë për organizimin e konferencës së parë kombëtare APLIKIMI I TEKNOLOGJIVE TË PASTRA PËR NJË MJEDIS TË QËNDRUESHËM (ATPMQ).

Konferenca do të mbahet në Tiranë, në datat 10 dhe 11 Nëntor 2022 në amjentet e FIN.

Në konferencën shkencore ftohen të marrin pjesë me referim për të prezantuar punimet e tyre profesorë, kërkues shkencorë në fushën e mjedisit, ekspertë dhe studentë që duan të ndajnë përvojën e tyre shkencore në fushën e mjedisit. Konferenca do të organizohet me qëllim identifikimin e problematikave mjedisore, ndërgjegjësimin lidhur me çështjet mjedisore me të cilat përballet sot vendi ynë dhe rajoni, aplikimin e teknologjive të pastra për një mjedis të qëndrueshëm, etj.

• Aplikimi i metodave inovative në zgjidhjen e problematikave në fushën e Inxhinierisë së Mjedisit
• Burimet e Rinovueshme dhe Efiçenca e Energjisë
• Cilësia dhe vlerësimi i rriskut në Mjedis dhe Shëndet
• Menaxhimi i Qëndrueshëm dhe Mbrotja e Burimeve Ujore
• Ndryshimet Klimatike, adaptimi ndaj tyre dhe zbutja e ndikimit të tyre

Qëllimi i konferencës është të bashkojë kërkues nga fusha të ndryshme të shkencës në një forum kombëtar për diskutimin e përparimeve të fundit teknologjike me fokus mjedisin e qëndrueshëm. Ju ftojmë përzemërsisht që t’i bashkohen kësaj konference dhe të paraqisni punimet tuaja.